Actualidad
/
MUERTES LABORALES
Langile bat hil da Donostiako obra batean
Intxaurrondoko Otxoki parkeko lanetan ari zen langilea; konortea galdu eta hil egin zen. Aurten, gutxienez 62 lan-heriotza izan dira Euskal Herrian.
2022/10/20
09:04
Atzo, urriaren 19an, langile bat zendu zen Donostiako (Gipuzkoa) Intxaurrondo auzoan, Otxoki parkeko obran lanean ari zela. Irutxuloko Hitza-k azaldu duenez, 11:30ak aldera galdu zuen konortea beharginak, eta hil egin zen; suspertzen saiatu ziren, baina ez zuten lortu.
Donostiako Kontseilu Sozialistak salatu du "kapitalismoari berezkoa zaion metaketa-beharrak eragindako biolentziaren beste kasu bat" dela atzoko lan-heriotza.
Euskal Herriko iturri sindikalen arabera, urtea hasi zenetik, gutxienez 62 langilek galdu dute bizia soldatapean lanean ari zirela, lanera bidean edo lanetik bueltan.
NO HAY COMENTARIOS
