Uztailaren 12an iritsi zen Topasko (Salamanca) presondegira Ainhoa Gartzia preso politikoa, bost eguneko lekualdaketaren ostean. Murtzia II (Murtzia) espetxean izan dute atxilo orain arte. Gartziaren senideek Etxerat elkarteari jakinarazi diotenez, Gartziak "tratu iraingarria" jaso du Topasen. Izan ere, "funtzionario batek erabat biluztea, kukubilko jartzea eta esertze ariketak egitea exijitu ziotela" adierazi dute senideek.

2003. urtean atxilotu zuten Gartzia hernaniarra, Frantziako estatuan. Hainbat alditan zigortu dute Espainiako estatuko auzitegiek. 2014. urtean, 22 urteko espetxe zigorra ezarri zion Auzitegi Nazionalak.