Kaleratzeak Stop plataformak, Azoraren Maizterrek eta Alokairu bizilagunen elkarteak egin dute deialdia hilaren 11rako. Donostiako Andia kalean izango da protesta, Eusko Jaurlaritzaren ordezkaritzaren aurrean. Benta Berriko babes ofizialeko etxebizitza batean bizi den pertsona baten "etxebizitza eskubideak" aldarrikatuko dituzte; izan ere, bere etxetik kanporatua izateko arriskuan dago.
Stop Kaleratzeak eragilearen prentsaurrekoa. Argazkia: Irati Salsamendi
Hainbat eragilek Donostiako (Gipuzkoa) Benta Berrin gauzatu daitekeen etxegabetze bat
salatzeko elkarretaratzea deitu dute biharko, hilak 11. Kaleratzeak
Stop plataformak, Azoraren Maizterrek eta Alokairu bizilagunen elkarteak
Irutxuloko Hitza-ri jakinarazi diotenez, epaitegiek ohiko
funtzionamendua berrartu zuten hilaren 4an, eta horren ondorioz,
etenda zeuden hainbat prozedura martxan jarri dituzte berriro. Horien artean, Victoria
izeneko bizilagun baten kasua nabarmendu dute: Testa
Socimi-Blackstone putre funtsak bere aurka ezarritako
salaketak aurrera darrai, eta kaleratua izateko arriskuan dago.
Ekainaren 16rako ezarri dute Victoriaren aurkako ahozko epaiketa, eta etxegabetzea, berriz, irailaren 9rako aurreikusi dute.
Benta Berriko babes ofizialeko etxebizitzek 2028.
urtera arte baino ez dute mantenduko babestu izaera. Hortaz, Kaleratzeak
Stop plataformak, Azoraren Maizterrek eta Alokairu bizilagunen elkarteak salatu dutenez, Victoriak bizi duen egoerak argi erakusten du "putre funtsaren
jarrera nolakoa izango den" 2028. urtea iritsi eta Benta Berriko etxebizitzak Eusko Jaurlaritzaren eskumenetik kanpo geratzen direnean.
Eragile horietako kideek adierazi dute Testa Socimi-Blackstonek ez diola Victoriari "etxebizitzarako bestelako aukerarik eman". Gainera, joan den abenduan nahiz salbuespen egoeran zehar azaldu diote funtsari zonaldean bi etxebizitza daudela hutsik. Pisu horien alokairua 450 euro ingurukoa da, eta "Victoriak hori ordaintzeko ahalmena" izan arren, funtsak ez du aukera hori aintzat hartu. Donostiako Udalari eta Eusko Jaurlaritzaren Etxebizitza Saileko ordezkariari ere eman diete aukera horren berri.
