Rafa plazan egin behar izan zuten aurkezpena IAk eta GKSk. Gaztetxean presentzia poliziala oso nabaria dela eta hainbatetan jardun politikoa galarazten saiatu direla jakinarazi dute.
Argazkia: Gasteizko GKS
Aurkezpena arratsaldeko 18:30ean izanda, ate irekiera ordubete lehenagorako zegoen antolatua. 17:00ak inguruan, udaltzainen hainbat auto hurbildu ziren Gasteizko Gaztetxearen sarrerara, han zeuden kideei sarrera debekatuz. Presentzia poliziala geroz eta handiagoa izan zen, eta ezinezkoa bihurtu zen aurkezpena gaztetxe barnean egitea.
Gasteizko Gazte Koordinadora Sozialistak eta Ikasle Abertzaleakek Rafa plazara lekualdatu zuten deialdia, eta han, euripean egin behar izan zuten Topagunearen aurkezpena.
Ostiralekoa ez da Gasteizko Gaztetxean jardun politikoa aurrera eramatea ekiditeko saiakera bakarra izan. Azken asteetan nabaria izaten ari da presentzia poliziala, eta jardun politikoa galarazteko hainbat saiakera egin dituzte, salatu dutenez.
