Eraso arrazista bat salatu dute Zestoako jaietan

Actualidad / RACISMO

Bi gaztek eraso zioten pertsona bati: "Itzul zaitez zure herrialdera" esan zioten. Gertatutakoa salatu du Zestoako Gazte Asanbladak.

FOTOGRAFÍA / Danbolin

2024/09/02 08:41

Joan den larunbatean ospatu zuten Gazte Eguna Zestoan (Gipuzkoa), baina, atzo jakinarazi zutenez, eraso arrazista bat izan zen txosnagunean. Pertsona batengana hurbildu eta eraso egin zioten bi mutil gaztek: "Itzul zaitez zure herrialdera" esan zioten. Hala azaldu du erasotua izan zen lagunarekin zihoan pertsonak.

Erasoa gogor salatu du Zestoako Gazte Asanbladak, eta argitu du ez duela inolako erasorik onartzen; ez txosnagunean, ez gainerako espazioetan. "Ez dugu inolako eraso arrazista, matxista, homofobo eta abarrik onartzen, eta jarrera horiek dituzten pertsonak ez dira ongi etorriak", adierazi du.