Orain dela gutxi jakin da Arrasaten (Gipuzkoa) kamera txiki bat zegoela jarrita taberna bateko komunean, ezkutuan. Neska gazte batek ikusi zuen gailua. Badirudi bilaketa-lanak egin dituztela eta ez dituztela kamera gehiago topatu.

Indarkeria matxista orori aurre egin! lelopean, mobilizatzeko deia egin du Deba Bailarako Itaia Emakumeon Antolakunde Sozialistak. Elkarretaratze bat antolatu du gaur arratsalderako: 18:30ean izango da, Arrasateko plaza nagusian.