GEDAR TELEBISTAk 2024ko martxotik ekoizten du Belarrijana podcasta, Martin eta Aneren eskutik. Ordutik, hemezortzi saio argitaratu ditu jada Belarrijana-k, hamaika gonbidaturekin. Durangoko Azokan grabatu zuten hemezortzigarren saioa, hain zuzen ere, eta martxan segitzen du.
Orain, Belarrijana podcastari lotuta, bigarren saio bat ere sortu dugu, Anek aurkeztua: Sarkin. Gazte langileen eztabaida-saio bat izango da Sarkin, eta lehenengo kapitulua ikusgai dago jada: Faxismoa, Autoritarismoa, Erreakzioa.
Gazte Koordinadora Sozialistako (GKS) hiru kidek parte hartu dute eztabaidan; Edurnek, Marinak eta Joanesek. GKSk urtarrilaren 31rako antolatu dituen manifestazioez ere aritu dira bertan.
