Oiartzunen, beste garraiolari bat hil da lanean ari zela

Actualidad / RÉGIMEN SALARIAL

Bart zendu da 61 urteko langilea, lan-istripu "ez traumatiko" baten ondorioz. Aurten, gutxienez sei garraiolari hil dira Euskal Herrian lanean ari zirela; orotara, gutxienez 25 lan-heriotza izan dira.

2023/06/05 15:31

Beste lan-heriotza bat izan da bart Euskal Herriko errepideetan. Oiartzunen (Gipuzkoa), 61 urteko behargin bat hil da soldatapean lanean ari zela; Transportes Insausti enpresarentzat jarduten zuen, eta lan-istripu "ez-traumatiko" bat izan zuen atzo gauean.

2023. urtea hasi zenetik, Euskal Herrian, gutxienez sei garraiolarik galdu dute bizia soldatapean lanean. Aurreko astean bertan, hil egin zen lanean trafiko-istripu larri bat izan zuen behargin bat, Agurainen (Araba).

Iturri sindikalen arabera, aurten, Euskal Herrian gutxienez 25 langilek galdu dute bizia soldatapean lanean, lanera bidean edo lanetik bueltan.