Ostegunetik ostiralerako gauean, gutxienez lau pertsona migrante hil ziren Mantxako kanala gurutzatu nahian. Ontzi batean igota, Frantziako Estatutik atera eta Erresuma Batura heltzen saiatu ziren, baina hautsi egin zen ontzia goizaldean, Boulogne-sur-Mer herrian (Pa-de-Calais).
Itxura denez, gutxienez 63 lagun zihoazen bertan, eta uretara erori ziren ontzia apurtu zenean. Erreskate-ontziak eta helikopteroa iritsi zirenerako, hilik zeuden migratu nahian ari ziren pertsonetatik lau.
