Iaz, gutxienez %25 turista gehiago izan ziren Arabako, Bizkaiko eta Gipuzkoako etxe turistikoetan

Actualidad / VIVIENDA

Apartamentu turistikoetako sarrerak %40 igo ziren Gipuzkoan 2023an, %20 Bizkaian, eta %14 Araban.

2024/01/25 11:19

2023an Araban, Bizkaian eta Gipuzkoan izan zen turismoari buruzko hainbat datu argitaratu zituen atzo Eustatek. Zenbaketen arabera, iaz 176.781 turistak hartu zuten ostatu lurralde horietako etxe turistikoetan, 2022an baino %24,7 gehiagok. Landetxeetan, berriz, 172.918 erabiltzaile izan ziren, aurreko urtean baino %2,3 gehiago.

Nabarmena da, beraz, apartamentu turistikoen erabileran iaz izan zen gorakada. Gipuzkoan, 2022an baino %40,2 sarrera gehiago izan ziren 2023an; %20,4 gehiago Bizkaian, eta %13,9 gehiago Araban.

Gaualdi kopuruak ere gora egin zuen 2023an, Eustaten arabera. Etxe turistikoetan %26,5 igo dira gaualdiak, eta landetxeetan, berriz, %16,4.