Babeserako material faltaren eraginez, behin-behineko ezintasun bajan daude Araban anbulantziak gidatzen aritzen diren zenbait behargin, LAB sindikatuak jakinarazi duenez. Aurretik ere salatu zuten beharginek ez dutela "haien burua eta pazientea babesteko materialik"; esaterako, lanjantziak, maskarak edota anbulantzietako materiala garbitzeko baliabideak.

Arabako langileen bajak direla-eta, egunero garajean geratzen dira hainbat anbulantzia, eta 12 orduz geldirik egoten dira larrialdietarako garraiorako bi ibilgailu.