Actualidad
/
RÉGIMEN SALARIAL
Eraikuntzako langile bat hil da Deustun, aldamio batetik erorita
Aldamio bateko seigarren pisutik erorita hil da 37 urteko langilea; istripuaren arrazoiak ez dituzte argitu oraindik.
Artxiboko argazkia.
2022/02/19
14:59
37 urteko langile batek bizia galdu du gaur goizean Deustuko (Bilbo, Bizkaia) Blas de Otero kalean, eraikuntza lanetan ari zela. Antza denez, seigarren pisu baten altueran dagoen aldamio batetik erorita hil da behargina.
Goizeko 10:50ak inguruan izan da istripua, eta Eusko Jaurlaritzaren Segurtasun Sailak adierazi duenez, erortzean larri zaurituta zegoen langilea, baina handik gutxira hil da.
Euskal Herrian, 2022. urtean lanean bizia galdu duen bederatzigarren langilea da, gutxienez.
NO HAY COMENTARIOS
