Hona hemen, Bilboko (Bizkaia) eta Gasteizko (Araba) jaietako egoeraren harira, Euskal Herriko 100 eragile inguruk sinatu duten gutuna eta sinatzaileen zerrenda:

Bilboko eta Gasteizko jaietako egoeraren harira: Mugimendu Sozialistako eragileen parte-hartze eskubidearen alde

Idatzi hau sinatzen dugun eragileok kezka handiz bizi dugu Bilboko eta Gasteizko jaietan sortu den egoera. Izan ere, hiru eragileri (Bilboko Luberri Konpartsari, eta Gasteizko GKSri zein Etxebizitza Sindikatuari) jaien antolaketan parte hartzeko eta txosna jartzeko aukera ukatzen ari zaie Mugimendu Sozialistarekin duten loturagatik, parte-hartze irizpide formal guztiak betetzen dituzten arren.

Gure ustez, jai eremu zabaletan parte hartzeko debekuak ez dira onargarriak, eta gutxi batzuen interes politikoei baino ez diete erantzuten. Era honetako bazterketek ez dute lekurik Herri Mugimenduaren baitan. Izan ere, minimo ideologiko ez-baztertzaileekin bat egiten dugun eragile guztiok eskubidea dugu jai herrikoietan parte hartu eta txosnak jartzeko. Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka. Are gehiago, gaur-gaurkoz gutako asko dozenaka herri eta auzotan Mugimendu Sozialistarekin batera aritzen gara jaiguneetan eta bestelako esparruetan elkarlanean.

Euskal Herri osoan zehar zabalduta dauden jai herrikoiak hamarnaka eragileren borondatezko lanaren bitartez ateratzen dira aurrera, eta inplikazio hori jaien izaera parte-hartzaileak ahalbidetzen du. Horrekin batera, babes instituzionalik ez dugun eragileeontzat, jai eremuak gure aldarrikapenak zabaltzeko eta gure eguneroko jarduna ekonomikoki sostengatzeko bitarteko garrantzitsuak dira. Bilboko eta Gasteizko debekuek, aldiz, eredu horren aurka egiten dute; guztion baldintza berdintasuna urratzen dute eta Mugimendu Sozialistaren kontrako blokeo ekonomiko zein sozialerako bidea zabaltzen dute.

Garaiz gaude egoera honi irtenbidea emateko. Horretarako, ezinbestekoa da jai herrikoien izaera parte-hartzailea eta aniztasuna bermatzea, eta bazterketak alboratzea. Horregatik, dei egiten diegu orain arte debekua babestu edo parte-hartzea oztopatu duten eragileei, jarrera hori alde batera utzi eta Bilbon zein Gasteizen Mugimendu Sozialistak jaietan konpartsa/txosna izateko eskubidea errespeta dezaten.

Atxikimendua emateko: txosnakdenonak@gmail.com

Sinatzaileak:

ABADIÑOKO GAZTETXEA

ALTSASUKO GAZTE ASANBLADA

AMNISTIAREN ALDEKO ETA ERREPRESIOAREN AURKAKO MUGIMENDUA

ANOETAKO GAZTE ASANBLADA

ARAMAIXOKO GAZTE ASANBLADA

ARGITAN (Barakaldo)

ARRASATEKO GAZTETXEA

ASKAPENA

ATARRABIAKO GAZTE ASANBLADA

ATXONDOKO GAZTETXEA

AZET ETXEBIZITZA SINDIKATUA (Bilbo)

AZKOITIKO GAZTE ASANBLADA

AZPEITIKO GAZTE ASANBLADA

BABESTU ARABA

BACHUÉ (Gasteiz)

BARAÑAINGO GAZTE ASANBLADA

BASKALE ELKARTEA (Bilbo)

BEASAINGO GAZTE ASANBLADA

BERANGOKO AMNISTIA TALDEA

BERMIOKO KABIDXE GUNE SOZIALA

BERRI OTXOAK (Barakaldo)

BILBO ZAHARRA ANTIFAXISTA

BILBO ZAHARREKO ERRAILA GUNEA

BOLTXE

BULTZA HERRI EKIMENA (Bilbo)

BURLATAKO GAZTE ASANBLADA

DANDA GAZTE ASANBLADA (Zarautz)

DEUSTUKO ARMADA GORRIA

ECUADOR ETXEA

EGURRE GAZTE ASANBLADA (Gernika)

ELORRIOKO GAZTETXEA

ERROMOKO HINTXAK (Getxo)

ERRONDOKO AUZO ETXEA (Bilbo)

ERROTA GAZTETXEA (Mungia)

ESTERIBARKO GAZTE ASANBLADA

ETXARRI II GAZTETXEA (Bilbo)

EZKER IRAULTZAILEA-EHS

GALDAKAO T.A.

GASTEIZKOAK TALDE ANTIMILITARISTA

GBGE (Galdakao)

GUGGENHEIM EZ! (Busturialdea)

HAIZEAK BIZIRIK (Etxalar)

HARITU ELKARLAGUNTZA SAREA (Iruñerria)

HAUSTURA TXANTREAKO GAZTEAK

HEGOALDEKOAK AUZO ELKARTEA (Gasteiz)

HERNANIKO GAZTE ASANBLADA

HERRIBILTZA

HERRI NORTE TALDEA

HIRUPUTZU GAZTETXEA (Zarautz)

HORI BAI GAZTETXEA (Larrabetzu)

IBARRAKO GAZTE ASANBLADA

INDAR GORRI

INDAR HORIBELTZ (Barakaldo)

ITZUBALTZETAKO GAZTE ASANBLADA

KAKITZAT KOORDINAKUNDE ANTIMILITARISTA

KALETIK GAZTETXERA (Durango)

KONTRAKANTXA GAZTETXEA (Hernani)

LAIA BUSTURIALDEA

LAKUNTZAKO BILTOKI GAZTETXEA

LAUDIOKO GAZTE ASANBLADA

LEGUTIOKO GAZTETXEA

LEKITTOKO GAZTE ASANBLADA

MALERREKA BIZIRIK

MARTES AL SOL (Iruñea)

MENDILLORRIKO GAZTE ASANBLADA

MUGIRI KULTUR ELKARTEA (Hondarribia)

MUTRIKUKO GAZTETXEA

MUTRIKUKO NATUR TALDEA

ORDIZIKO GAZTE ASANBLADA

OTAN EZ PLATAFORMA

OTXANDIOKO GAZTE ASANBLADA

PAH BERRIOZAR

PIKUTARA MUGIMENDU ANTIERREPRESIBOA (Lizarra)

POLLOE BIZIRIK EGIAKO GAZTE ASANBLADA

PRINTZA GUNE AUTOGESTIONATUA (Larraun)

SALBURUA-BURDINBIDE AUZO ELKARTEA (Gasteiz)

SANIKO GAZTE ASANBLADA (Bilbo)

SARE ANTIFAXISTA

SAÑU BIZIRIK (Azpeitia)

SOUTH SIDE TALDEA (Irun)

STOP DESAHUCIOS HERNANI

SUGARRA GAZTETXEA (Lizarra)

TINKO

TOLOSAKO GAZTE ASANBLADA

TRIKUHARRIKA (Gasteiz)

TXANTXARREKA GAZTETXEA (Donostia)

TXORIERRIKO SAD BORROKAN

URRETXU-ZUMARRAGAKO GAZTE ASANBLADA

XANETA GAZTETXEA (Luhuso)

ZALDIBIKO GAZTE ASANBLADA

ZAPATENEO (Gasteiz)

ZAZPIGARREN ALABA AUZO ELKARTEA (Gasteiz)

ZESTOAKO GAZTE ASANBLADA

ZIZURKO ROCK ETXEA

ZORNOTZAKO MATRAILU GAZTETXEA