Aktualitatea
/
SINDIKALISMOA
Bizkaibuseko zenbait ibilgailu boikotatu dituzte berriz Trapagaranen
Atzo greba egin zuten Busturialdeko, Lea-Artibaiko, Ezkerraldeko eta Meatzaldeko Bizkaibuseko beharginek, eta horren ostean agertu dira kalteekin Trapagaranen aparkatuta zeuden hainbat autobus. Abenduaren 21ean joko dute grebara berriz, Enkarterrietako langileekin batera.
ARGAZKIA / EITB
2022/12/02
09:13
Grebara deituta zeuden atzorako, abenduaren 1erako, Busturialdea Lea Artibai Bus (BLB) eta Ezkerraldea Meatzaldea Bus (EMB) enpresetako langileak; sindikatuen esanetan, behargin guztiak batu ziren atzoko lanuztera. Soldata-igoerak eskatzen dituzte, eta lanuzte ugari egin dituzte azken asteetan.
Atzoko grebaren ondoren agertu dira kaltetuta Trapagarango (Bizkaia) Aparkabisa gunean zeuden hainbat autobus. Antza, gurpilak zulatu dizkiete zenbait ibilgailuri, eta margoketak egin dituzte kristaletan. Azaro erdialdean ere sabotatu zituzten EMBko hainbat autobus.
Abenduaren 21erako greba deialdi bateratu bat egin dute EMBko, BLBko eta Enkarterrietako Bizkaibuseko beharginek.
EZ DAGO IRUZKINIK
