Beste langile bat hil da amiantoren erruz. 77 urte zituen beharginak, Ataungoa (Gipuzkoa) zen, eta CAFeko langile ohia zen. Amiantoaren Biktimen Euskadiko Elkarteak (ASVIAME) eman du heriotzaren berri, eta, aurten, arrazoi horrengatik gutxienez sei langile hil direla salatu du elkarteak.

Gaurkotasun handiko gaia da: izan ere, elkartearen arabera, gutxienez 31 pertsona hil ziren iaz, lan-bizitzan zehar material hori erabili izanagatik. Hala, 2025eko irailean, Eusko Jaurlaritzak martxan jarri zuen Amiantoaren biktimentzako Konpentsazio Funtsa, eta ordutik, EAEn mineral horrek kaltetutako pertsonek ziurtagiria eska dezakete, esposizioaren ondoriozko patologiak egiaztatzen dituena. Horrela, kasuan kasu ezarrita dauden diru-laguntzak eskatzeko izapideak abiatu ditzakete. Biktimen elkarteek eta sindikatuek, ordea, "nahikoa ez dela", "berandu" iritsi zela, eta burokrazia salatu zituzten orduan. Batetik, funtsak ez ditu oinordeko, senide eta hildakoak kontuan hartzen; bestetik, horrela, bide judizialetik edo Europako beste herrialdeetan eskuratuko luketena baino askoz gutxiago lortuko dute; eta, gainera, funtsaren kudeaketa autonomikoak atzerapenak eta zailtasunak izan ditu.

Eurostaten esanetan, azken hamarkadetan amiantoak eragindako minbizi kasuek gora egin dute Europan. Teorian bada ere, sustantzia hori erabiltzea debekatuta dago, baina amiantoa ez da noizean noiz erabiltzen. Izan ere, zoruak, sabaiak, edota teilatuak egiteko erabili ohi da.