SAPA armagintza-enpresa markatu dute Andoainen

Actualidad / GUERRA

'Gerraren negozioari ez!' idatzi dute bart enpresako horma batean, eta urtarrilaren 25ean Bilbon eta Iruñean mobilizatzera deitu dute, gerra-mehatxuaren eta faxismoaren aurka.

2025/01/10 13:40

Defentsa antiaereorako sistemak, misilak eta arma arinak ekoizten ditu SAPA Plasencia enpresak, besteak beste, eta gerraren kontura negozioa egiten duen euskal enpresa nagusietako bat da. Larriagotzen ari den gerra-mehatxuaren kontra, eta gerraren negozioari ezetz esateko, konpainia hori seinalatu dute bart Andoaingo (Gipuzkoa) bere egoitzan: Gerraren negozioari ez! idatzi dute handiz enpresako paretetako batean.

Agenda belizistaren nahiz faxismoaren gorakadaren kontra, Gazte Koordinadora Sozialistak (GKS) mobilizazio-deialdi bat egin du urtarrilaren 25erako. Bilbon (Bizkaia) eta Iruñean (Nafarroa) izango dira manifestazioak. SAPA markatzeko protesta-ekintzaren bidez, manifestazio horietara batzera deitu nahi izan dute.