Atzo, ekainaren 22an, behargin bat zauritu zen Labastidako (Araba) bodega batean. Oraindik argitu ez dituzten arrazoiak direla-eta, upategian erabiltzen den orgatila jasogailu batek azpian hartu zuen langilea. Larrialdi-zerbitzuetako langileak bertaratu ziren, eta behargina makinaren azpitik ateratzea lortu zuten. Antza, hanketako batean eragin zizkion zauriak istripuak.
Logroñoko (Errioxa) erietxe batean ospitaleratu zuten, eta ez dute bere egoeraren berri eman ordutik.
