Langile bat eraila Berriobeitin, pala kargatzaile batek harrapatuta

Actualidad / RÉGIMEN SALARIAL

Joan den larunbatean hil zen Berriobeitiko (Nafarroa) Medenasa enpresako garabilari bat. Ibilgailutik atera zenean hartu zuen azpian pala kargatzaile batek.

Medenasa enpresako lantegia.

2021/09/06 09:36

Joan den larunbat goizean izan zen lan-heriotza, 10:40ean, Berriobeitiko (Nafarroa) Medenasa enpresaren lantegian. Langile bat txatarra zamatzen ari zen, eta oraindik argitu ez diren arrazoiak direla-eta, gidatzen ari zen garabitik irten zen. Orduan, pala kargatzaile industrial batek harrapatu zuen, eta larriki zauritu zen.

Erietxera eraman zuten, baina hilda zegoela baieztatu zuten han. 54 urte zituen, eta Berriozarkoa zen (Nafarroa). Ospitalera eraman behar izan zuten pala gidatzen ari zen behargina ere, antsietate-atake batek jota.

Iturri sindikalen arabera, urtea hasi zenetik, Euskal Herrian 42 langile izan dira erailak soldatapeko lanean.