Langile bat eraila Getarian, gidatzen ari zen traktorea iraulita

Actualidad / RÉGIMEN SALARIAL

Getariako Igarategi industrialde inguruan izan du lan-istripua beharginak; irauli egin da gidatzen ari zen traktorea, eta larriki zauritu da. Larrialdi-zerbitzuek artatu arren, han hil da zaurien ondorioz.

Argazkia: Trafiko Zuzendaritza

2021/07/09 16:37

Euskal Herrian beste lan-heriotza bat izan da gaurkoan, uztailaren 9an. 15:45ak aldera, Getariako (Gipuzkoa) Igarategi industrialde inguruan izan du lan-istripu larri bat behargin batek, irauli egin baita gidatzen ari zen traktorea. Larriki zauritu da, eta larrialdi-zerbitzuetako langileek artatu duten arren, han zendu da zaurien ondorioz.

Azken astean, Euskal Herrian gutxienez hiru langilek galdu dute bizia soldatapean lanean ari zirela; hain zuzen, Durangon (Bizkaia), Muxikan (Bizkaia) eta, gaur, Getarian. Urtea hasi zenetik, gutxienez 32 lan-heriotza izan dira.