Portugaleten (Bizkaia) emakume bati eraso zion bere mutil lagun ohiak pasa den astelehenean. Emakumearen etxean izan zen: arma zuri batekin mehatxatu ostean, sexu-erasoa egin zion 28 urteko gizonak. Etxebizitza horretan bertan atxilotu zuten erasotzailea, eta epailearen aurretik igaro ostean espetxeratu zuten Basaurin (Bizkaia).
Azken asteetan, beste gutxienez hiru eraso matxista atera dira argitara Ezkerraldean; hain zuzen, Barakaldon (Bizkaia) eta Sestaon (Bizkaia).
