2023. urtea hasi zenetik, gutxienez sei eraso matxistaren berri eman dute Barakaldon (Bizkaia). Aurreko asteburuan, zehazki, bi gizonezko atxilotu zituzten indarkeria matxistagatik. Batetik, ostiralean, gizon bat atzeman zuten herriko denda batean, lapurreta bat egotzita. Polizia-indarrak bertaratu eta atzemandako pertsona identifikatzean, ohartu ziren bera atxilotzeko agindu bat zeukala indarrean Emakumeenganako Indarkeriaren Barakaldoko Epaitegiak; hain justu, bere bikotekidea jotzeagatik. Atxilotu eta epailearen esku utzi zuten erasotzailea.

Larunbat gauean, bestetik, emakume bati eraso zion bere mutil lagunak, Barakaldoko pub batean. Biak elkarrekin joan ziren lokalera, eta gizonak hainbatetan egin zion eraso bikotekideari. Laguntza eskatu zuen emakumeak, eta atxilo eraman zuten erasotzailea.