Iruñerrira (Nafarroa) bueltan da The Champions Burger jaialdi ibiltaria, eta atzo ireki zituen ateak. Horiek horrela, makroekimenaren aurka antolatzeko "hamaika arrazoi" daudela gogorarazita, Errotxapean auzo-batzar bat antolatu zuten Iruñerriko Kontseilu Sozialistak eta Gazte Koordinadora Sozialistak (GKS). Atzo izan zen bilera, 19:00etan, Anelier pasealekuan.
Bizilagun ugari bertaratu ziren, makroekimenak kezkatuta. Antolatzaileek azaldu dute "ideia aunitz" jarri zituztela mahai gainean batzarrean, eta ohartarazpena egin du: "Hau hasi besterik ez da egin".
Auzo-batzarrerako deialdia zabaltzean, The Champions Burgerreko langileek jasan behar dituzten lan-baldintza penagarriak, bertan erreproduzitzen diren "aisialdi-eredu kapitalista" eta "prezio ordainezinak", espazio publikoaren pribatizazioa, osasungarritasun-baldintzen urraketa eta makroekimenaren babesleek Israelgo Estatuarekin dituzten loturak seinalatu zituzten Iruñerriko Kontseilu Sozialistak eta GKSk.
