Mugimendu Sozialistako kide bat atxilotu dute bart Itziarren (Gipuzkoa), eta Eibarko (Gipuzkoa) polizia-etxean izan ostean, Martutenen (Gipuzkoa) sartu dute preso. PCR proba bat egin behar diote datorren astelehenean, eta ordura arte, bakartuta izango dute. 2018an bere jardun politikoa zela-eta ezarritako zigor baten harira atzeman dute; sei hilabetekoa da zigorra, eta orain betearaziko diote.

Urruñarra da atxilotutako gaztea, eta herri horretan mobilizatzera deitu du Ipar Euskal Herriko Kontseilu Sozialistak. Atxilotua askatu. Absoluzioa lelopean egingo dute protesta, 19:00etan, Urruñako plazatik hasita.