Aktualitatea
/
SOLDATA SISTEMA
Langile batek bizia galdu du Gernika-Lumon, aldamio batean lanean ari zela
Bihotzekoak emanda hil da Muruetako langilea. Kontseilu Sozialista Busturialdeak elkarretaratzera deitu du gaurko Gernikan; Merkurion izango da protesta, 20:30ean.
2021/07/19
18:56
Gernikan (Bizkaia) lan-heriotza bat izan da gaurkoan, uztailaren 19an, 09:20ak aldera. Eraikuntzako aldamio batera igota lanean ari zela, bihotzekoa izan du 66 urteko behargin batek, eta bertan galdu du bizia. Muruetakoa (Bizkaia) zen.
Kontseilu Sozialista Busturialdeak protestara deitu du gaur iluntzerako, Kapitalismoa hiltzailea lelopean. 20:30ean izango da kontzentrazioa, Gernikako Merkurio plazan.
33 langile erailak
2021. urtea hasi zenetik, Euskal Herrian gutxienez 33 langilek galdu dute bizia soldatapean lanean ari zirela. Gernikako gaurko lan-heriotzaren aurretik, hilaren 9an izan zen eraila behargin bat Getarian (Gipuzkoa); irauli egin zen gidatzen ari zen traktorea.
EZ DAGO IRUZKINIK
