GKSk joan den larunbatean egindako manifestazioei buruzko bideo-kronika jaso dugu bederatzigarren atalean. Bestalde, Espainiako Estatuko lan erreforma eta Segurtasun Nazionalerako Legea izan dugu hizpide; baita Ukrainako auzia ere.
Kaleratu dugu Gedar Telebistaren Burdin Hesia programaren bederatzigarren saioa: Gazte langileok borrokara. Iragan larunbatean, urtarrilaren 29an, izan ziren Gazte Koordinadora Sozialistak Bilbon (Bizkaia) eta Iruñean (Nafarroako) antolatutako mobilizazioak; 7.000 pertsona inguru atera ziren kalera burgesiaren diktaduraren aurka. Horren biharamunean eman genuen argitara Burdin Hesia-ren bederatzigarren atala, eta bideo-kronika bat jaso genuen bertan, bi manifestazioetako irudiekin nahiz GKSko hainbat kideren adierazpenekin.
Horretaz gain, Espainiako Estatuan mahai gainean dauden bi neurri ere izan dira aztergai bederatzigarren saioan: lan erreforma eta Segurtasun Nazionalerako Legea. Gaurkotasuneko beste gai bati ere heldu diote, bestalde: Ukrainako auzia.
Haizea Uzkudun aurkezleak gidatu du azkeneko atal hau, eta ondoan izan ditu dagoeneko ezagunak diren lau tertuliano: Nahia Santander, Peio Ormazabal, Aitor Bizkarra eta Jon Agirre.
Bi aste barru argitaratuko dugu Burdin Hesia-ren hurrengo saioa, alegia, otsailaren 13an.
Hona hemen bederatzigarren atala, osorik:
