13 urteko espetxe zigorra beteta, aske da Olga Comes preso politikoa. Hirugarren graduan egon da iruindarra joan den ekainetik, Iruñeko (Nafarroa) espetxean, eta azaroan ezarri zioten baldintzapeko askatasuna.
Frantziako Poliziak atxilotu zuen Comes 2008an, ETAko kide izatea leporatuta. 2012an, bost urteko zigorra ezarri zion Parisko Korrekzio Auzitegiak, eta bi urte beranduago, 11 urtekoa Espainiako Auzitegi Nazionalak.
