Aktualitatea
/
SINDIKALISMOA
Berriobeitiko Jealser enpresako langileek lanuzteak hasi dituzte
Langileek zazpi hilabete daramatzate enpresako zuzendaritzarekin negoziatzen, eta enpresari "proposamen argiak" egitea eskatu diote.
Jealser enpresaren lantegia.
2021/07/26
11:50
Gaurtik ostiralera bitartean, egunean bi orduko lanuzteak egingo dituzte Berriobeitiko (Nafarroa) Jealser enpresako langileek, soldaten igoera eskatzeko, besteak beste.
LAB sindikatuaren arabera, 2012. urtean, lan-erreformari esker, enpresak %6 eta %12 artean jaitsi zituen langileen soldatak, eta gutxinaka soldatak igotzea eskatu dute haiek. Bestalde, azken urteetan kaleratzeen eta lan-erregulazioko txostenen bidez 100 langile izatetik 40 izatera igaro direla ere salatu dute.
11:00etatik 13:00etara egingo dituzte lanuzteak enpresako atarian, gaurtik hasita.
EZ DAGO IRUZKINIK
