43 urteko gizonezko bat eta 32 urteko emakume bat atxilotu dituzte Hernanin (Gipuzkoa), euren senidea den neska adingabe bat sexualki esplotatzeagatik. Gaztea prostituzioan aritzera behartu dute bien artean: "hitzordu sexualak" antolatzen zituzten gizonekin, diru truke.
EITBren arabera, abuztuan hasi zen gertakarien inguruko ikerketa poliziala. Izan ere, Lasarten, adin txikiko neska batek jasandako sexu-eraso baten berri eduki zuten, eta 57 urteko gizon bat atxilotu zuten horregatik. Gertatutakoa ikertzen hastean ohartu ziren litekeena zela ordaindutako "hitzordu" bat loturik egotea aurrez.
Itxura denez, neska prostituitzera behartzen zuten bi pertsonak bere familiakoak dira. Haiek egiten zituzten kontaktuak, eta bietako batek eramaten zuen gaztea "hitzordu" horietara.
