Protestara deitu du Iruñerriko Itaiak, Burlatan izan den azken eraso matxista salatzeko

Actualidad / ITAIA

Aurreko asteburuan, emakume bat itotzen saiatu zen gizonezko bat, eta Itaiak mobilizazio bat antolatu du gaur iluntzerako. Beste hainbat eraso ere izan dira Iruñerrian azken egunetan.

2024/06/18 08:58

Iruñerriko Itaia Emakumeon Antolalunde Sozialistak protesta bat antolatu du gaur arratsalderako, Burlatan izan den azken eraso matxista salatzeko. Izan ere, aurreko ostiralean, emakume bat itota hiltzen saiatu zen gizonezko bat. Itxura denez, elkarrekin bizi ziren biak, Burlatako etxebizitza batean.

Gaur iluntzerako deitu du mobilizatzera Itaiak: 20:00etan udaletxe aurrera bertaratzeko deia egin du, Indarkeria matxista orori aurre egin lelopean.

Azken egunetan, beste hainbat eraso matxistaren berri ere eman dute Iruñerrian: beste zazpi eraso izan dira asteburuan, gutxienez. Tuteran ere bi emakumeri eraso diete asteburuan.