Maiatzaren 1ean hemeretzi herritan egingo dituzte mobilizazioak Kontseilu Sozialistek

Actualidad / CONSEJOS SOCIALISTAS

Mobilizazioak zein ordutan eta nondik irtengo diren zehaztu dute jada Kontseilu Sozialistek. Aurten lelo berdina izango dute guztiek: 'Krisi kapitalista garaian sozialismoa eraikitzen'.

2022/04/19 09:07

Euskal Herriko Kontseilu Sozialistek apirilaren 3an jakinarazi zuten mobilizazioak egingo dituztela aurtengo Maiatzaren Lehenean ere, eta guztiek lelo berdinaren pean, gainera: Krisi kapitalista garaian sozialismoa eraikitzen. "Tradizio handiko egun hori probestu nahi dugu langileria iraultzailearen memoria gurera ekartzeko, egungo proletalgoa borrokara deitzeko eta Kontseilu Sozialistak ezagutzera emateko", adierazi zuten Kontseilu Sozialistetako kideek agerraldi baten bidez.

Aurten Euskal Herriko hemeretzi herritan izango dira mobilizazioak maiatzaren 1ean, eta deialdi zehatzen berri eman dute jada lekuan lekuko Kontseilu Sozialista gehienek. Hona hemen:

Bilbon (Bizkaia), 18:00etan Eliptika plazatik
Donostian (Gipuzkoa), 12:30ean Bulebarretik
Gasteizen (Araba), 12:30ean Aldabetik
Iruñean (Nafarroa), 18:00etan San Frantzisko plazatik
Altsasun (Nafarroa), 13:00etan Foruen plazatik
Arrasaten (Gipuzkoa), 18:30ean herriko plazatik
Azkoitian (Gipuzkoa), 18:00etan herriko plazan
Azpeitian (Gipuzkoa), 19:00etan herriko plazatik
Beasainen (Gipuzkoa), 18:00etan Bideluze plazatik
Durangon (Bizkaia), 12:00etan Ezkurdi plazatik
Gernikan (Bizkaia), 12:00etan Domingo Alegria enparantzan (ekitaldia izango da)
Hernanin (Gipuzkoa), 18:00etan Gudarien plazatik
Irunen (Gipuzkoa), 17:30ean Zabaltza plazan (ekitaldia izango da)
Tolosan (Gipuzkoa), 18:00etan Triangulo plazatik
Oiartzunen (Gipuzkoa), 18:00etan herriko plazan
Ondarroan (Bizkaia), 12:00etan Zaldupeko zubitik
Zarautzen (Gipuzkoa), 18:00etan udaletxe aurretik
Zestoan (Gipuzkoa), 18:00etan herriko plazan
Baionan (Lapurdi), zehazteke