Ostegun honetan, urriaren 2an, greba mugagabeari ekingo diote Aguraingo (Araba) Haizea Wec Fundición enpresako langileek. Izan ere, salatu dute "blokeatuta" dagoela lan-hitzarmen berriaren inguruko negoziaketa, eta plantilla osatzen duten 130 beharginen gehiengoak (101) erabaki du grebara jotzea.
ELA eta LAB sindikatuek osatzen dute langile-batzordea, eta enpresako zuzendaritzari leporatu diote itunaren bidez lan-baldintzak okerragotu nahi izatea.
