Emakume bat labankadaz erail du haren bikotekide senperearrak

Actualidad / VIOLENCIA MACHISTA

55 urte zituen emakumeak, eta aurreko ostiralean topatu zuten haren gorpua. Senperen atxilotu zuten hiltzailea. Aurten gutxienez hiru hilketa matxista atera dira argitara Euskal Herrian.

2021/06/14 14:37

Joan den ostiralean, gauerdi aldera, 55 urteko emakume baten hilotza aurkitu zuten Armillac Lot-et-Garonen (Akitania). Bere etxean topatu zuten gorpua, labankatuta. Emakumearen bikotekidearen bila aritu ostean, Senperen (Lapurdi) atxilotu zuten; aitortu egin zuen hark erail zuela neska-laguna.

Urtea hasi zenetik, indarkeria matxistarekin lotutako hiru erailketa atera dira argitara Euskal Herrian. Urtarrilean, bikote batek emakume bat hil zuen Aizarnazabalen (Gipuzkoa), atxiki eta sexualki esplotatu ostean; otsailean, Sestaon (Bizkaia) erail zuen emakume bat haren senarrak, antza, aizkora bat erabilita; apirilean, emakume bat eskopetaz hil zuen haren bikotekideak Miarritzen (Lapurdi).