Azken egunetan Donostian, Eibarren, Gasteizen, Iruñean eta Leioan egin dituzte selektibitatearen aurkako elkarretaratzeak, IAk deituta.
Leioa, atzo.
Asteazkenean Iruñean (Nafarroa), Nafarroako Unibertsitate Publikoan, mobilizatu ziren hainbat ikasle, selektibitateari ezetz esateko eta "ebaluazio sistemari aurre egiteko" beharra seinalatzeko. Atzo, berriz, Ibaetako campusean (Donostia, Gipuzkoa), Eibarko campusean (Gipuzkoa), Gasteizko campusean (Araba) eta Leioako campusean (Bizkaia) izan ziren Ikasle Abertzaleakek deitutako elkarretaratzeak, eta aldarri berdinaren pean batu ziren protestetara hainbat eta hainbat ikasle.
IAko kideek azpimarratu dute, besteak beste, "ikasleon osasun mentala kaltetzen" duela eta "soilik memoria gaitasuna ebaluatzen" duela selektibitateak. Proba horrek ikasleak "lehiakortasunean hezten" dituela salatu dute, baita "ikasleak sailkatzen" dituela eta "filtro sozial klasista gisara funtzionatzen duen ebaluazio sistema bat" elikatzen duela ere.
Ikusi hemen IAk maiatzean egindako adierazpenak, selektibitatearen harira
