Miaketak, identifikazio arbitrarioak eta zigorrak ezartzen jarraitzen dute Ertzaintzak eta segurtasun pribatuko agenteek.
ARGAZKIA / Alerta Gorria Irratia
Athleticeko zaleek salatu dutenez, polizia-indarren jazarpenak ez dauka etenik Bilboko (Bizkaia) San Mamesen. Besteak beste, gehiegizko miaketak, arrazoitu gabeko identifikazioak eta zigorrak ezartzen dizkiete futbol-zelaira bertaratzen diren athleticzaleei. Horretarako, elkarlanean aritzen dira Ertzaintza eta klubak kontratatutako segurtasun pribatuko agenteak.
Alerta Gorria Irratiak zabaldutako bideo batean ikus daiteke San Mameseko sarrera, istiluen kontrako unitateetako ertzainez eta segurtasun pribatuko agentez josita, milaka zaleak harmailetara sartzen diren bitartean.
Uda hasieran egindako ekitaldi batean, EAEko segurtasun pribatua saritu zuen berriz Eusko Jaurlaritzako Barne Sailak. Sarituen artean zegoen Athleticeko klubeko segurtasun-zuzendaria.
