Aktualitatea
/
SOLDATA SISTEMA
Larriki zauritu da langile bat Zierbenan
Makina batek harrapatu du 48 urteko behargina, eta badirudi bi hankak galdu dituela. Haizea Wind enpresak azpikontratatuta ari zen lanean Superportuan.
ARGAZKIA / Juan Guerrero/EITB
2024/07/01
08:14
Joan den asteburuan jakinarazi dutenez, lan-istripu larri bat izan da berriki Zierbenan (Bizkaia). Superportuaren barruan lanean ari zen zauritutako langilea, galdaragintza-eremuan, eta azpian hartu zuen makina batek. LAB sindikatuaren arabera, bi hankak galdu ditu beharginak.
Haizea Wind enpresak azpikontratatutako behargin bat da, eta 48 urte ditu. Enpresa itxita egon da igandera arte, gertatutakoa dela-eta. Eusko Jaurlaritzak diru publikoz hartzen du parte bertan.
Urtea hasi zenetik, Euskal Herrian, gutxienez 29 langilek galdu dute bizia soldatapean lanean, lanera bidean edo lanetik bueltan.
EZ DAGO IRUZKINIK
