Aktualitatea
/
SOLDATA SISTEMA
Langile bat hil da, aurreko astean Erandion lan-istripua izan ostean
Amianto-plakak kentzen ari zela, lau metroko altueratik jausi zen aurreko astelehenean 32 urteko behargina.
2023/10/18
20:30
Aurreko astelehenean, hilaren 9an, lan-istripu larri bat izan zuen langile batek Erandion (Bizkaia). Reformas Maver enpresarentzat jarduten du soldatapean 32 urteko beharginak, eta teilatu batean lanean ari zela jasan zuen istripua: antza, amianto-plakak kentzen ari zela erori zen lau metroko altueratik. Berriki jakinarazi dutenez, hil egin da zauritutako langilea.
Urtea hasi zenetik, Euskal Herrian, gutxienez hiru langilek galdu dute bizia, lanean ari zirela, altueratik jausita. Guztira, gutxienez 45 lan-heriotza izan dira.
EZ DAGO IRUZKINIK
