Gaur, urriak 10, berriro gora egin du eraildako langileen kontagailuak. 15:10ak aldera, eraikitzen ari diren eraikin batetik behera erori da behargin bat, lanean ari zela. Instantean bertan zendu da, eta beraz, bertaratu den mediku-taldeak ezin izan du ezer egin. 32 urte zituen.

Erripagaina auzoan jazo da erailketa, Burlatan (Nafarroa).

Irailean gutxienez bi behargin erail zituzten Euskal Herrian: Kasedan (Nafarroa) bata, eta Amurrion (Araba) bestea. 2019. urtea hasi zenetik, gutxienez 34 langile erail dituzte gurean.