Palestinarekin elkartasunez, sionisten eta euren Europako kolaboratzaileen kontrako aldarria atera behar zuten telebistan J Martinako kideek. EITBk, baina, mezu horiek kentzera behartu ditu.
EITBren Biba Zuek! telebista-saioan izan da gaur J Martina musika-taldea, gonbidatu gisa. Platoan, musika emanaldi baten barruan, aldarri politiko batzuk erakutsi behar zituzten taldeko kideek, Israelgo Estatu sionista palestinarren kontra egiten ari den sarraskia salatzeko, eta Mendebaldeko konplizeak seinalatzeko. Hala zioen J Martinak telebistan atera nahi zuen tela zatiak: FCK Israel, FCK Europar Batasuna, FCK NATO.
Aldarrikapen hori zentsuratu du, ordea, EITBk: mezu politiko hori zeraman tela platotik kentzera behartu du musika-taldea. Horren kontra, dena den, argi hitz egin du J Martinak telebistan egindako emanaldian. Abesti baten erdian, hitza hartu dute hiru taldekideek: "Israel hiltzaile bat da. Europa laguntzailea. Gora Palestina!", esan dute.
Gure begien parean Palestinar herriaren aurkako genozidioa ematen ari da eta ez gara ixilik geldituko.
— J Martina (@JotaMartina) May 24, 2024
Gora palestinar erresistentzia! pic.twitter.com/tfkQbHWZDb
