Bi langile erailak, Gasteizen eta Siguesen

Bi hilketaren berri eman dute gaur sindikatuek. Batetik, garraiolari nafar batek istripua izan du Aragoiko Sigues herrian; irauli egin da gidatzen ari zen kamioia. Bestetik, Gasteizko Caser egoitzako langile bat zendu da koronabirusak jota.
Argazki Nagusia
Esako urtegiko lanak. Argazkia: EITB
2020ko apirilaren 23a

Gaur, apirilak 23, Euskal Herriko bi langile erail dituztela jakinarazi dute sindikatuek. Batetik, Esako urtegiko lanetan zendu da garraiolari nafar bat, Nafarroatik gertu, Aragoiko Sigues herrian. Antza, gidatzen ari zen hormigoi-kamioia irauli egin da, N-240 errepidean bidetik atera ondoren.

Bestetik, Gasteizko (Araba) Caser zahar etxeko behargin bat koronabirusak jota hil dela azaldu dute.

Joan den apirilaren 16an beste garraiolari bat eraila izan zen Pasaiako portuan (Gipuzkoa), hainbat ontzitan jasotako arraina deskargatu ostean. Egun berean, Arrigorriagan (Bizkaia) hil zuten beste behargin bat, Txako industriagunean.

2020. urtea hasi zenetik, gutxienez 25 langile hil dituzte haien lanpostuetan, gaurko bi hilketak zenbatuta.