Jaiak izaten ari dira Tuteran (Nafarroa), eta bortxaketa baten berri eman dute joan den asteburuan: larunbatetik iganderako gauean, adin txikiko neska bat bortxatu zuen gizonezko batek. 01:00ak aldera izan zen erasoa, eta zenbait ordura atxilotu zuten bortxatzailea. Ikerketa zabalik dago.
Horren aurretik, larunbat goizean, beste sexu-eraso bat gertatu zen Euskal Herrian: Bilboko (Bizkaia) Iturralde auzoan, emakume bati eraso zion 26 urteko gizon batek. Ospitalera eraman zuten biktima, sexu-erasoen kontrako protokoloa aktibatuta, eta atxilotu egin zuten erasotzailea.
