Talde faxistako kide batzuk propaganda arrazista banatzen ari ziren Santiago de Compostelako kaleetan, piperbeltz gasarekin armaturik, harik eta antifaxista batzuekin topo egin zuten arte.
Nucleo Nacional (NN) talde naziko zenbait kide Santiago de Compostelako (Galizia) alde zaharrean propaganda faxista banatzen saiatu ziren urtarrilaren 3ko arratsaldean, baina zenbait antifaxistaren erantzun ausarta aurkitu zuten parez pare. Hainbat hedabideren arabera, NNko lau faxista artatu behar izan zituzten larrialdietan erantzun antifaxistaren ondorioz, nahiz eta piperbeltz espraiarekin armaturik zeuden.
Rua do Francon izan ziren gertakariak, hiriburuko erdigunean, jende asko zebilela inguruan. Iturri antifaxistek diotenez, naziak, Galizian ordezkaritza ofizialik ez dutenak, material arrazista banatzen ari ziren bertan. Aurre egin zieten hainbat pertsonak, ordea, eta borroka piztu zen: lekukoen arabera, faxistak izan ziren kaltetuenak. Badirudi ospitalera joan behar izan zirela zenbait, eta arreta medikoa behar izan zutela. Espainiako Poliziak esku hartu zuen abisua jasotzean, eta, ofizialki, "ideologia desberdineko taldeen" arteko borrokatzat jo zuen jazotakoa.
NNk, diskurtso arrazista, antisemita eta faxistagatik ezaguna den talde naziak, propaganda-ekintzak areagotu ditu azken hilabeteetan ikusgarritasuna lortzen saiatzeko. Oraingoan, antifaxisten erantzun antolatuak zapuztu zuen nazien saiakera, erakutsiz Galiziako kaleetan ez dutela faxisten presentzia onartzen.
