Hiru behargin kaleratuak izan dira Mediamarkt enpresa multinazionalak Donostiako (Gipuzkoa) Garbera merkatalgunean duen saltokitik. Haien inguruko iturriek GEDAR LANGILE KAZETAri jakinarazi diotenez, joan den martxoaren 3an lanean hastear zirela jaso zuten kaleratze-eskutitza.
Saltokiko zuzendaritzaren aburuz, “ez zuten enpresaren profila betetzen”. Soldatapekoen ibilbideak, ordea, kolokan jartzen du bertsio hori. Izan ere, ohartarazpen diziplinariorik jaso gabe aritu izan dira lanean, bat-batean bota dituzten arte. Gainera, hirurek urte ugari zeramatzaten enpresan; hamabi, hamairu eta hamasei urte, zehazki.
