La Caixaren jabetzako zortzi etxebizitza-bloketan bizi diren pertsonek indarrak batu dituzte, banketxeak ezarritako "abusuzko klausulen" aurka. Arrasaten (Gipuzkoa), Gasteizen (Araba) Erandion (Bizkaia) eta Bilboko (Bizkaia) Boluetan eta Zorrotzan bizi diren 100 bizilagun baino gehiago antolatu dira, eta La Caixak alokairu "eskuragarriekin" espekulatzen duela gaitzetsi dute, besteak beste.
Gasteizen, elkarretaratze bat prestatu dute asteburu honetarako, La Caixaren jardun espekulatiboa salatzeko. Larunbatean izango da protesta, eguerdiko 13:00etan, Correosek erdigunean daukan egoitzan.
