Atzo eguerdian izan zen lan-istripua, N-121 errepidean. Aurten, gutxienez 29 lan-heriotza izan dira Euskal Herrian.
FOTOGRAFÍA / Diario de Navarra
56 urteko garraiolari batek galdu zuen bizia atzo eguerdian, lan-istripuz. N-121 errepidetik zihoala, Murillo el Cuenden (Erribera, Nafarroa) izan zuen istripua langileak: bidetik irten zen gidatzen ari zen kamioia, erreia gurutzatu zuen, eta irauli egin zen. Kamioiko kabinan harrapatuta geratu zen gidaria, eta, askatu zutenerako, hilda zegoen.
Azken hilabeteetan, garraiolari ugarik jasan dituzte lan-istripuak Euskal Herrian: ekainean Agurainen (Araba) hil zen bat eta Txorierriko (Bizkaia) korridorean zauritu zen beste bat, maiatzean Santakaratik (Nafarroa) gertu zendu zen bat, apirilean Zanbranan (Araba) eta Ribabellosan galdu zuten bizia garraiolari banak...
Iturri sindikalen arabera, urtea hasi zenetik, Euskal Herrian gutxienez 29 langilek galdu dute bizia soldatapean lanean, lanera bidean edo lanetik bueltan.
