Gaurko egunez, duela hamabost urte, Ertzaintzak Bilboko Errekalde auzoko Kukutza III Gaztetxea desalojatu zuen, 2011ko irailaren 15ean hain zuzen. Ertzaintzaren polizia-operazioak auzo osoa okupatu zuen eraikina desalojatzeko, eta udaltzaingoak lagundu egin zuen.
Gaztetxea defendatzen ahalegindu ziren auzotarren aurka kargatu zuen Poliziak, gomazko pilotak erabiliz. 30 lagun inguru atxilotu zituzten, baina Gaztetxeak eta atxilotuek babes handia jaso zuten: arratsaldeko manifestazioan, 7.000 lagun inguru elkartu ziren, desalojoa salatzeko eta atxilotuak askatzea eskatzeko.
1998an okupatu zuten fabrika ohia, eta hamahiru urtez kudeatu zuen Gaztetxeko asanbladak.
