Zardoya Otiseko langileek grebari ekin diote

Azaroaren 22an hasi zuten greba Hego Euskal Herriko Zardoya Otiseko langileek, eta abenduaren 9ra arte luzatuko da deialdia. Lan-baldintzak hobetzearen alde hasi dituzte lanuzteak.
Argazki Nagusia
Zardoya Otis enpresaren egoitza. Argazkia: El Pais
2021eko azaroaren 29a

Grebara jo zuten Zardoya Otis igogailu enpresako Hego Euskal Herriko langileek —Gasteizen (Araba), Donostian (Gipuzkoa), Iruñean (Nafarroa) eta Bilbon (Bizkaia), hain zuzen ere— azaroaren 22an. Lan-baldintzak hobetzearen alde zein "prekaritateari aurre egiteko" ekin diete lanuzteei. Abenduaren 9ra arte luzatu dute deialdia, 2020. urtetik aldaketarik izan ez duen lan-hitzarmena aldatzeko asmoz.

Langileek enpresaren hainbat baldintza eta jarduera zehatz kritikatu dituzte. Soldata-eskala bikoitza deritzon ordainsari-politika gaitzetsi dute, bai eta gehiegizko lan-kargak, muntaia-dibisioen desegitea edota plantillaren murrizketak ere. Hori ez ezik, enpresak "ordainsarien gehikuntza urriak edota horien izoztea" proposatzen dituela salatu du ELA sindikatuak.


Iruzkinak

Ez dago iruzkinik