Atzo goizean, Villalbako (Madril) Kale Errealeko hainbat etxebizitza hustu behar izan zituzten, nahita sortutako zenbait sute zirela-eta. Villalbako Etxebizitza Asanbladak jakinarazi zuenez, okupatutakoak dira, eta dozenaka familia bizi dira abandonatuta zeuden etxe horietan; ehun pertsona inguru. Badirudi, gasolina erabilita, okupatutako blokeetako hainbat guneri eman zietela su (oraindik ez dute argitu nork), eta barruan bizi diren ehun lagunak bizirik erretzen saiatu zirela.

Etxebizitza Asanbladaren arabera, goiz esku hartu zuten suhiltzaileek, eta, zorionez, ez zen hildakorik izan. Dena den, hamalau pertsona zauritu ziren suteen ondorioz, eta horietatik bederatzi ospitaleratu zituzten. Erredurak jasan zituzten batzuek, eta sua arnasteagatik intoxikatu ziren asko. Bloke horietan bizi zirenetako batzuek, gainera, "zeukaten guztia galdu" dutela salatu du Villalbako Etxebizitza Asanbladak.

Bestalde, ondorio argi bat atera du: "Udalak hainbat urtez eraikin hori publikoki seinalatu ostean eta pobrezia kriminalizatzeko kanpainaren ostean gertatu da hau guztia". Etxebizitza Asanbladako kideek gogorarazi dute Okupazioaren Kontrako Bulego bat ere izan dela Villalban azken urteetan. "Batzuek seinalatzen duten bitartean, metxa pizten dute beste batzuek", azaldu du.

Irakurri hemen Villalbako Etxebizitza Asanbladaren adierazpena, osorik:

INCENDIO PROVOCADO EN LOS BLOQUES DE @SAREB DE LA C/ REAL EN VILLALBA

Han intentado quemar vivas a un centenar de personas.

Esto es consecuencia de la estigmatización mediática e institucional de las personas que okupamos.

Necesitamos difusión: que se sepa esta violencia 🧵 pic.twitter.com/3TDHhqOtY5

— Asamblea de Vivienda de Villalba (@VillalbaViviend) December 28, 2022