Bertan behera geratu zen irailean egitekoa zen azterketa, galderak filtratu ondoren. "Sekretuak ezagutarazi" izana leporatzen diote UGTko afiliatuari.
ARGAZKIA / El Comercio
Urriaren 18an, Espainiako Poliziako agenteek gizon bat atxilotu zuten, RTVEko informatzaile posturako oposizioen azterketa filtratu zuelakoan, polizia-iturriek Europa Press-i baieztatu ziotenez.
Sekretuak ezagutaraztearen delitua leporatu diote atxilotuari, eta, duela gutxi jakitera eman den bezala, UGT sindikatuarekin harremanak ditu. Atxilotu ondoren, ez deklaratzeko eskubideari eutsi zion akusatuak, eta aske utzi zuten. Ikusteke dago zein bilakaera duen prozesu judizialak.
RTVEk, bestalde, jakinarazi du urriaren 17an diziplina-espediente bat ireki ziola korporazioko langile bati, irailaren 29an egitekoa zen Informazio eta Edukien proba teorikoko galderen filtrazioari lotuta.
Filtrazio bat izan zela argitara atera eta gutxira, CCOO, USO eta CGT sindikatuek agiri bateratu bat sinatu zuten, eta bertan adierazi zuten euren kideek ez zutela zerikusirik filtrazioarekin. Ez zen hori UGTren kasua izan, ez baitzuen halako adierazpenik egin.
Baina bada gehiago ere: filtrazioak zirela-eta azterketa bertan behera geratu ondoren, epaimahaiko kide batzuek salatu zuten azterketan sartutako galdera asko hain zailak zirela, ia ezinezkoa zela erantzun egokiak ematea, galderak aldez aurretik ezagutu ezean. Beraz, UGTren gain daude susmoak.
