Aktualitatea
/
FAXISMOA
PSGko hamabi zale faxista atxilotu dituzte, realzaleei eraso egin nahi zietelakoan
Realeko hainbat zale Les Halles auzoko taberna batean zeudela atzeman zituzten faxistak, burua lepoko beltzez estalita zutela. Aldarrikatu zuten "eskuin muturrekoak" direla.
ARGAZKIA / TN23
2024/02/15
11:10
Realak eta Paris Saint-Germainek (PSG) bart neurtu dituzte indarrak, Parisen. Hainbat hedabidek atzo jakinarazi zutenez, futbol norgehiagokaren atarian, astearte gauean, PSGko hamabi zale faxista atxilotu zituzten hirian. Zenbait realzaleri eraso egiteko asmoa zutelakoan eraman zituzten atxilo.
Izan ere, Realako hainbat zale Les Halles auzoko taberna batean zeudela, inguruan atzeman zituen PSGko faxistak Poliziak; taberna horretatik metro gutxira zeuden. Burua estalita zeramaten, lepoko beltzekin, eta "eskularru militarrak eta material piroteknikoa" ere bazeramatzaten. Itxura guztien arabera, realzaleei eraso egiteko asmoa zuten. "Eskuin muturrekoak" direla aldarrikatu zuten atxilotuek.
EZ DAGO IRUZKINIK
