Aktualitatea
/
MIGRAZIOA
Pertsonen salerosketagatik atxilotu dute gizon bat Hernanin, laugarrenez
Indiako eta Pakistango bost pertsona zihoazen gidatzen ari zen furgonetan.
ARGAZKIA / Marina Luna
2025/09/23
10:03
Igande goizaldean, 25 urteko gizonezko bat atxilotu zuten Hernanin (Gipuzkoa), pertsonen salerosketan aritzeagatik. Zerbitzugune bateko polizia-kontrolean atzeman zuten, gidatzen ari zen furgonetarentzako erregaia hartzen ari zenean, agenteek "susmagarritzat" jo omen zutelako bere jarrera.
Bost pertsona zihoazen ibilgailuan, jatorri indiarrekoak eta pakistandarrekoak. Itxura denez, haiek Portugalera eramaten ari zen gidaria, legez kontrako trafikoan. EITBk jaso duenez, urtebetean gidari hori arrazoi beregatik atxilotzen duten laugarren aldia da.
EZ DAGO IRUZKINIK
